Club Brugge verður án framherjans Dennis þegar liðið mætir Borussia Dortmund í Meistaradeildinni í kvöld að sögn belgískra fjölmiðla.
Belgíska blaðið Het Laatste Nieuws segir að Dennis hafi brjálast eftir að hann fékk ekki að sitja í sínu uppáhaldssæti í liðsrútunni hjá Club Brugge.
Hinn 23 ára gamli Dennis rauk í burtu og sagt er að hann verði ekki með í leiknum í kvöld.
Dennis hefur skorað sautján mörk og lagt upp sjö á þessu tímabili og það er því mikill missir fyrir Club Brugge ef hann spilar ekki í kvöld.
Athugasemdir