Southampton og Tottenham tefldu fram sterkum byrjunarliðum og skildu jöfn á St. Mary's leikvanginum þökk sé jöfnunarmarki frá Sofiane Boufal á 87. mínútu.

Leikurinn var mjög jafn og frekar tíðindalítill og skoraði Son Heung-min fyrsta markið eftir skyndisókn í fyrri hálfleik. Boufal jafnaði svo undir lokin eftir sendingu frá Danny Ings. Liðin munu því mætast aftur á leikvangi Tottenham til að skera úr um hver fer áfram í 16-liða úrslitin.

Southampton 1 - 1 Tottenham
0-1 Son Heung-Min ('58 )
1-1 Sofiane Boufal ('87)

Newcastle þarf að endurspila sinn leik við C-deildarlið Oxford á meðan West Ham er úr leik. Hamrarnir töpuðu fyrir West Bromwich Albion, toppliði Championship deildarinnar, á heimavelli.

Conor Townsend gerði eina mark leiksins á upphafsmínútunum og tókst Hömrunum ekki að jafna, þrátt fyrir að vera manni fleiri síðustu 20 mínúturnar.

Jóhann Berg Guðmundsson var ekki í leikmannahópi Burnley sem tapaði óvænt á heimavelli fyrir slöku liði Norwich sem hvíldi lykilmenn.

Jón Daði Böðvarsson fékk hins vegar að spreyta sig er Millwall tapaði á heimavelli gegn Sheffield United. Jón Daði spilaði síðustu 20 mínúturnar.

Newcastle 0 - 0 Oxford United

West Ham 0 - 1 West Brom
0-1 Conor Townsend ('9 )
Rautt spjald: Semi Ajayi, West Brom ('73)

Burnley 1 - 2 Norwich
0-1 Grant Hanley ('53 )
0-2 Josip Drmic ('57 )
1-2 Erik Pieters ('72 )

Millwall 0 - 2 Sheffield Utd
0-1 Muhamed Besic ('63 )
0-2 Oliver Norwood ('84 )

Coventry 0 - 0 Birmingham

Reading 1 - 1 Cardiff City
0-1 Callum Paterson ('5 )
1-1 Yakou Meite ('8 )
Rautt spjald: Thomas McIntyre, Reading ('81)

Portsmouth 4 - 2 Barnsley
1-0 Ben Close ('37 )
2-0 John Marquis ('45 )
2-1 Cauley Woodrow ('61 )
3-1 Ronan Curtis ('62 )
4-1 Christian Burgess ('78 )
4-2 Conor Chaplin ('91)