Þýska blaðið Bild greinir frá því að Borussia Monchengladbach hafi hafnað 50 milljón evra tilboði frá Barcelona í franska framherjann Alassane Plea í janúar.
Plea, sem er 27 ára gamall, hefur skorað 8 mörk fyrir Gladbach á tímabilinu auk þess sem hann hefur lagt upp önnur 8 mörk.
Hann hefur verið öflugasti maður Gladbach en spænska stórliðið Barcelona reyndi að fá hann í janúar.
Börsungar voru í erfiðri stöðu og þurftu framherja þar sem Luis Suarez og Ousmane Dembele voru báðir meiddir og lagði félagið því fram 50 milljón evra tilboð í Plea.
Gladbach hafnaði tilboðinu en liðið vildi ekki missa lykilmann á miðju tímabili. Barcelona endaði á því að kaupa Martin Braithwaite frá Leganes en danski framherjinn á enn eftir að skora fyrir liðið.
Athugasemdir