Ísland í dag - Besta kvenna og Lengjudeildin

Lengjudeild karla og Besta deild kvenna hófust i gær. Fyrstu umferðinni í báðum deildum lýkur í dag.

Það eru þrír leikir á dagskrá í Bestu deild kvenna. Fram og ÍBV mætast í fyrsta leik dagsins klukkan 13. Valur fær nýliða Grindavík/Njarðvík í heimsókn og Þór/KA fær FH í heimsókn á nýja heimavöllinn.

Vestri, sem féll úr Bestu deildinni síðasta sumar, fær Grindavík í heimsókn í Lengjudeildinni. Þróttur og Njarðvík eigast við en báðir leikirnir fara fram klukkan 14. Tveir leikir hefjast klukkan 16. Völsungur fær Leikni í heimsókn og HK og Grótta mætast.

Þá eru tveir úrslitaleikir í Lengjubikarnum. Víkingur Ó. og Haukar mætast í B-deild og Álftanes og Haukar mætast í C-deild.