Fotbolti.net
25.05.21 - 09:21
Victor Pálsson

Modric framlengir við Real Madrid (Staðfest)

Modric framlengir við Real Madrid (Staðfest)
Canon

Mynd: Getty Images

Luka Modric, leikmaður Real Madrid, hefur skrifað undir eins árs framlengingu við spænska félagið.
Þetta var staðfest nú rétt í þessu en þessi 35 ára gamli leikmaður hefur spilað með Real frá árinu 2012.

Modric var mikið orðaður við lið Inter Milan á síðasta ári en þar leika landar hans Marcelo Brozovic og Ivan Perisic.

Króatinn hefur þó ákveðið að taka allavega eitt ár til viðbótar í Madríd en samningur hans rennur út næsta sumar.

Modric kom til Real frá Tottenham fyrir níu árum síðan og hefur spilað 266 deildarleiki ásamt því að skora 20 mörk.

Modric hefur unnið Meistaradeildina fjórum sinnum með Real og deildina tvisvar, bæði 2017 og 2020.

Hann er leikjahæsti leikmaður í sögu Króatíu með 136 leiki og verður mikilvægur er liðið mætir til leiks á EM í næsta mánuði.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.