„Mjög glöð með þrjú stig og að halda hreinu líka, bara mjög gott“ sagði Telma Steindórsdóttir, leikmaður Stjörnunnar, eftir 0-1 sigur á Þrótti í Laugardalnum í dag.
Lestu um leikinn: Þróttur R. 0 - 1 Stjarnan
Leikurinn var nokkuð gæðalítill fram á við og aðspurð hvernig henni hefði liðið með leikinn sagði hún:
„Mér fannst fyrri hálfleikurinn fínn hjá okkur. Mér fannst við halda vel í boltann of pressa þær hátt uppi. Við droppuðum smá eftir markið okkar en gott að ná þremur stigum og halda hreinu.“
Stjörnukonur eru komnar með átta stig eftir sex umferðir sem er líklega minna en þær stefndu á Telma metur stöðuna nokkuð góða:
„Bara allt í lagi sko, við höfum átt fínar frammistöður en við höfum líka getað gert miklu betur og bara gott að fá þennan leik í dag og byrrja ofan á það, klárlega.“
Þetta er fyrsta tímabil Telmu í Garðabænum en hún fylgdi Óskari Smára frá Fram þegar hann tók við Stjörnukonum í vetur
„Stelpurnar tóku ótrúlega vel á móti mér og hópurinn er æði. Ég þekki Óskar náttúrulega vel og mér líður mjög vel.“
Viðtalið má sjá í heild sinni í spilaranum hér að ofan.
