Stuðningsmenn þýska landsliðsins vilja að Kai Havertz, leikmaður Arsenal, verði tekinn úr byrjunarliðinu.
Um 140 þúsund stuðningsmenn Þýskalands tóku þátt í skoðanakönnun þar sem 90% vilja að Niclas Fullkrug, leikmaður Borussia Dortmund, taki sæti hans.
Um 140 þúsund stuðningsmenn Þýskalands tóku þátt í skoðanakönnun þar sem 90% vilja að Niclas Fullkrug, leikmaður Borussia Dortmund, taki sæti hans.
Havertz skoraði úr vítaspyrnu í 5-1 stórsigri Þýskalands gegn Skotlandi en hefur ekki skorað í síðustu tveimur leikjum.
Hann átti aðeins eina marktilraun á rammann í 1-1 jafntefli við Sviss þrátt fyrir sex tilraunir alls. Hann fékk slæma dóma í þýskum fjölmiðlum.
Fullkrug skoraði jöfnunarmarkið dramatíska gegn Sviss og kallað er eftir því að hann fái byrjunarliðssæti. Þýskaland leikur í 16-liða úrslitum á laugardaginn og verður spennandi að sjá hvort Fullkrug komi inn í byrjunarliðið.
Julian Nagelsmann landsliðsþjálfari Þýskalands heldur spilunum þétt að sér, hrósar báðum leikmönnum og segir sig eiga úr góðum kostum að velja.
Athugasemdir