Nökkvi Þeyr Þórisson, leikmaður Beerschot í Belgíu, skoraði fyrsta mark sitt fyrir félagið í dag í 4-0 sigri á Knokke í bikarnum.
Dalvíkingurinn gekk í raðir Beerschot frá KA í síðasta mánuði eftir að hafa skorað 17 mörk í Bestu deildinni í sumar.
Hann hefur verið hægt og rólega að koma sér inn í lið Beerschot og í dag skoraði hann fyrsta mark sitt fyrir félagið.
Nökkvi var í byrjunarliði félagsins í sigrinum á Knokke og gerði þriðja markið þegar rúmlega korter var eftir af leiknum. Beerschot skoraði eitt til viðbótar og vann leikinn 4-0.
Beerschot er því komið áfram í sjöttu umferð bikarsins.
53‘ |0-3| GOOAAAL!! Thorisson scoort zijn eerste voor onze club! #BEEKNO #WEARE13 pic.twitter.com/13qPk5OxZr
— K. Beerschot V.A. (@kbeerschotva) September 25, 2022
Athugasemdir