Það er spenna á toppnum í skosku úrvalsdeildinni. Eftir helgina, að 14 leikjum loknum, eru Celtic og Rangers saman á toppnum, eins og fyrir helgina.
Celtic vann 2-0 sigur á Motherwell á laugardag og lærisveinar Steven Gerrard ætla ekkert að gefa eftir í baráttunni. Þeir unnu gegn Hamilton á útivelli í gær.
Ryan Kent, fyrrum leikmaður Liverpool, reyndist hetja Rangers gegn Hamilton, hann skoraði tvö mörk. Hans fyrstu mörk frá því hann var keyptur fyrir 7 milljónir punda síðasta sumar.
Rangers er núna með jafnmörg stig og Celtic, en með þremur mörkum lakari markatölu.
Celtic og Rangers eru með tíu stiga forystu á liðið í þriðja sæti, Aberdeen.
Það verður fróðlegt að sjá hversu lengi Rangers nær að halda í við Celtic, og hvort þeir nái að stöðva einokun Celtic í Skotlandi. Celtic hefur unnið skosku úrvalsdeildina átta ár í röð.
Athugasemdir