Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 26. janúar 2020 19:44
Brynjar Ingi Erluson
Critchley stýrir Liverpool á Anfield - Leikmenn aðalliðsins ekki með
Neil Critchley
Neil Critchley
Mynd: Getty Images
Neil Critchley, þjálfari U23 ára liðsins hjá Liverpool, mun stýra liðinu gegn Shrewsbury Town er liðin mætast á Anfield í FA-bikarnum en enska úrvalsdeildin verður í sömu viku með vetrarfrí.

Shrewsbury og Liverpool gerðu 2-2 jafntefli er liðin mættust í bikarnum í kvöld en Jason Cummings reyndist hetja Shrewsbury með því að skora tvö mörk af bekknum.

Liðin þurfa því að mætast öðru sinni og að þessu sinni á Anfield en leikurinn er 4. eða 5. febrúar. Í sömu viku er enska úrvalsdeildin með vetrarfrí og ætlar Jürgen Klopp, stjóri Liverpool, að virða það.

Því mun Critchley stýra liði Liverpool og þá verða leikmenn aðalliðsins ekki með.

Þetta er í annað sinn á tímabilinu sem Critchley mun stýra Liverpool en hann gerði það í enska deildabikarnum gegn Aston Villa í desember er Liverpool tók á sama tíma þátt í HM félagsliða.


Athugasemdir
banner
banner
banner
banner