Í beinni 12:00 - Dregið í 16-liða úrslit Evrópudeildarinnar

Jæja þá er allt klárt fyrir dráttinn! Leiðinlegar fréttir að Giorgio Marchetti er í fríi og kemur ekki nálægt drættinum að þessu sinni. Eins og allir vita er Marchetti bestur í Evrópu að draga, og þó víðar væri leitað.

Hakan Yakin, fyrrum landsliðsmaður Sviss og fyrrum leikmaður með Basel, Young Boys og fleiri liðum, er gestur dagsins og aðstoðar við dráttinn.

Vegna Covid er ekki verið að sækja vatnið yfir lækinn. Yakin býr væntanlega í næstu götu við höfuðstöðvar UEFA.

UEFA kann að hafa þetta formlegt. Ræðuhöld standa yfir. Hamingjuóskum kastað hingað og þangað.

Athöfnin er farin af stað. Þetta byrjar á að sýnt er myndband með bestu tilþrifunum úr Evrópudeildinni hingað til. Dramatísk tónlist og allur pakkinn. Eru ekki allir með gæsahúð?

Hægt er að horfa á dráttinn í beinni á heimasíðu UEFA:

Hér er tengill á útsendinguna

Athöfnin fer að hefjast í Nyon í Sviss. Lið frá sama landi gætu mæst innbyrðis þar sem drátturinn verður algjörlega opinn.

Hvaða enska lið mun fara lengst í Evrópudeildinni? #fotboltinet

— Fótbolti.net (@Fotboltinet) February 26, 2021

📢 PSA: Ole Gunnar Solskjaer tells everyone how to pronounce 'Shoretire' correctly pic.twitter.com/QCWgEaOZj4

— Mirror Football (@MirrorFootball) February 26, 2021

Veðmálafenið

Samkvæmt veðbönkum er Manchester United talið sigurstranglegasta liðið núna. Hér má sjá stuðla úr ótilgreindum veðbanka:

Manchester United 11/4
Tottenham 11/2
Villarreal 13/1
Arsenal 13/2
Ajax 7/1
Roma 9/1
AC Milan 10/1
Granada 20/1
Rangers 22/1
Shakhtar Donetsk 22/1
Olympiacos 33/1
Slavia Prag 40/1
Young Boys 40/1
Dynamo Kiev 50/1
Dinamo Zagreb 100/1
Molde 250/1

Punktið í dagbókina:

16-liða úrslitin verða leikin 11. og 18. mars.

8-liða úrslitin verða spiluð 8. og 15. apríl. Undanúrslitin verða spiluð 29. apríl og 6. maí.

Úrslitaleikurinn fer fram í Gdansk í Póllandi þann 26. maí.

Tomas Soucek er í miklum metum hjá Slavia Prag en leikmenn liðsins hringdu í Tékkann á FaceTime eftir að hafa slegið út Leicester og fögnuðu með honum. Þar má sjá Soucek fagnandi í treyju Slavia Prag.

Lestu nánar um málið

Shola Shoretire varð í gær yngsti leikmaður til að spila Evrópuleik fyrir Manchester United, hann bætti met Norman Whiteside.

Lestu nánar um málið

Liðin sem eru í pottinum og hvernig þau komust úr 32-liða úrslitunum:

Tottenham (vann Wolfsberger 8-1)

Ajax (vann Lille 4-2)

Arsenal (vann Benfica 4-3)

Granada (vann Napoli 3-2)

Rangers (vann Royal Antwerp 9-5)

Shakhtar Donetsk (vann Maccabi Tel-Aviv 3-0)

Molde (vann Hoffenheim 5-3)

Villarreal (vann Red Bull Salzburg 4-1)

Young Boys (vann Bayer Leverkusen 6-3)

Dynamo Kiev (vann Club Bruges 2-1)

Dinamo Zagreb (vann Krasnodar 4-2)

Slavia Prag (vann Leicester 2-0)

Manchester United (vann Real Sociedad 4-0)

AC Milan (vann Rauðu sjörnuna á útivallarmörkum, 3-3)

Olympiakos (vann PSV 5-4)

Roma (vann Braga 5-1)

Það verður fylgst vel með drættinum í Noregi þar sem Molde komst í 16-liða úrslitin með því að vinna þýska liðið Hoffenheim. Gríðarlega óvænt niðurstaða úr því einvígi.

🤔 https://t.co/GoFVYhNDNK

— Molde Fotballklubb (@Molde_FK) February 26, 2021