Keflavík vann sinn fyrsta sigur í Bestu deild karla er liðið hafði betur gegn KA, 2-1, á Greifavellinum í kvöld. KA var þá að tapa fjórða leiknum sínum sem gerir þetta að einni verstu byrjun liðsins á þessari öld.

KA hafði aðeins náð í eitt stig í fyrstu þremur leikjunum, en það stig kom gegn ÍA í síðustu umferð.

Þeir byrjuðu leikinn betur gegn Keflavík, sem var einnig í leit að fyrsta sigrinum, en síðan komust Keflvíkingar betur inn í leikinn og átti Sindri Snær Magnússon tvær tilraunir á nokkrum mínútum sem höfnuðu báðar í stönginni.

Keflavík komið í ágætis gír en KA refsaði þeim fyrir að nýta sér ekki góðan kafla með marki á 31. mínútu. Jeppe Pederson kom boltanum inn fyrir á Oliver Heiðarsson sem fór framhjá Ásgeiri Orra Magnússyni og skoraði.

Þegar nokkrar mínútur voru eftir af hálfleiknum jöfnuðu Keflvíkingar og það verðskuldað er Davíð Helgi Aronsson potaði hornspyrnu Muhamed Alghoul í netið og fagnaði með því að taka handahlaup og afturábakk heljarstökk. Alvöru fagn hjá Davíð.

Gestirnir voru að ógna í síðari hálfleiknum og náðu inn gríðarlega mikilvægu marki er Stefan Alexander Ljubicic hljóp á sendingu Eiðs Orra Ragnarsson og gerði þriðja deildarmark sitt.

Stefan var hársbreidd frá því að bæta við öðru marki aðeins þremur mínútum síðar en þá tókst Samuel Kroon að bjarga á línu.

KA keyrði á Keflavík undir lokin. Oliver Heiðars komst nálægt því að jafna metin en setti skot sitt í stöngina eftir undirbúning Pedersen og þremur mínútum síðar vildi Oliver fá vítaspyrnu er Davíð Helgi steig inn í hann, en ekkert dæmt.

Lengra komust KA-menn ekki sem eru enn án sigurs eftir fjóra leiki á meðan Keflavík er komið með fyrsta sigurinn og er samtals með fjögur stig.

Agalegt hjá KA sem er enn einu sinni að eiga slaka byrjun á tímabilinu og slökustu byrjun síðan 2024, en þá tapaði liðið einmitt þremur af fyrstu fjórum leikjunum.