Spánn: Orri Steinn á skotskónum í grátlegu jafntefli

Orri Steinn Óskarsson var á skotskónum þegar Real Sociedad vann góðan sigur á Rayo Vallecano í spænsku deildinni í dag.

Mikel Oyarzabal kom Sociedad yfir en Sergio Camello jafnaði metin fyrir Vallecano áður en fyrri hálfleik lauk. Eftir rúmlega klukkutíma leik fékk Orri boltann inn á teignum og hann var yfirvegaður og skoraði og kom Sociedad aftur yfir.

Það var mikil dramatík stuttu síðar þegar Pedro Diaz virtist vera jafna metin fyrir Vallecano. VAR steig hins vegar af því að það var mögulegt brot í teig Vallecano í aðdragandanum. Eftir dágóðan tíma komst dómarinn að því að um vítaspyrnu var að ræða.

Markið var því tekið af og Oyarzabal skoraði úr vítinu og innsiglaði sigur Sociedad. Rayo Vallecano minnkaði muninn undir lok leiksins þegar Florian Lejeune skoraði eftir hornspyrnu. Það stefndi í sigur Sociedad en Alemao bjargaði stigi fyrir Vallecano með marki þegar átta mínútur voru komnar fram yfir venjulegan leiktíma.

Sociedad er í 8. sæti með 43 stig en Rayo Vallecano er í 11. sæti með 39 stig.