Ítalska félagið Atalanta ætlar að styrkja markvarðstöðuna í sumar og fá Mattia Perin frá Juventus en þetta kemur fram á Calciostyle.it.
Pierlugi Gollini er aðalmarkvörður Atalanta en hann gæti verið á förum í sumar.
Atalanta er tilbúið að selja hann á 25 milljónir evra og ætlar félagið að fá Perin frá Juventus.
Perin er á láni hjá Genoa út leiktíðina en ljóst er að hann á enga framtíð hjá Juventus og er hann falur fyrir um það bil 10 milljónir evra.
Perin gekk til liðs við Juventus árið 2018 frá Genoa og átti hann að berjast um stöðuna við Wojicech Szczesny. Gianluigi Buffon sneri hins vegar aftur til félagsins var Perin því lánaður aftur til Genoa.
Athugasemdir