sun 26. júlí 2020 08:30
Ívan Guðjón Baldursson
Conte um Messi: Ekki einu sinni á leið til Inter í draumaliðsdeildinni
Mynd: Getty Images
Antonio Conte, þjálfari Inter, útilokar að argentínski snillingurinn Lionel Messi sé á leið til félagsins fyrir næstu leiktíð.

Messi er 33 ára gamall og af mörgum talinn besti knattspyrnumaður sögunnar. Hann hefur spilað fyrir Barcelona allan ferilinn og skorað 633 mörk í 729 leikjum. Ótrúlegar tölur.

„Orðrómurinn sem segir Leo Messi vera á leið til Inter er algjör uppspuni. Ekki treysta þessum fake news. Hann er ekki á leið til Inter, ekki einu sinni í draumaliðsdeildinni," svaraði Conte þegar hann var spurður út í málið.

Inter er í öðru sæti ítölsku deildarinnar sem stendur en á litla sem enga möguleika á að ná toppliði Juventus, sem getur tryggt sér níunda Ítalíumeistaratitilinn í röð með sigri gegn Sampdoria í kvöld.

Inter hefur verið að fá til sín hágæðaleikmenn að undanförnu eftir að menn á borð við Romelu Lukaku og Christian Eriksen voru keyptir til félagsins.
Athugasemdir
banner
banner
banner