Evrópubikarinn: FH gerði góða ferð til Kýpur

FH gerði góða ferð til Kýpur í fyrri viðureign sinni gegn Apollon Ladies í 1. umferð Evrópubikars kvenna. FH náði sér í tveggja marka forystu fyrir seinni leikinn sem verður eftir viku í Kaplakrika.

Apollon Ladies varð kýpverskur meistari í 16. sinn á síðasta tímabili og hefur unnið meistaratitilinn sex ár í röð.

Helena Errington kom FH yfir á 37. mínútu eftir undirbúning Ingibjargar Magnúsdóttur. Andrea Rán Snæfeld Hauksdóttir skoraði svo annað mark á markamínútunni miklu.

FH átti sjö marktilraunir í leiknum gegn sex frá heimakonum en voru öflugri í sinni nýtingu og unnu 2-0 útisigur. Kvennalið FH því með sigur í sínum fyrsta Evrópuleik.

Evrópubikar kvenna er B-deildin í Evrópukeppnum kvenna en Meistaradeildin er að sjálfsögðu A-deildin. Evrópubikarinn er leikinn sem útsláttarkeppni allt fram að úrslitaleik.