14.10.26 - 19:44
Brynjar Ingi Erluson
Leikmaður Viking kallar Olise hálfvita
Olise sá rautt gegn Viking
Mynd: EPA
Olise sá rautt gegn Viking
Mynd: EPA
Kristoffer Askildsen, leikmaður Viking í Noregi, kallaði franska landsliðsmanninn Michael Olise hálfvita í viðtali við TV2 eftir 3-3 jafnteflið gegn Bayern München í Meistaradeildinni í gær.
TENGT EFNI
Segir leikmann Viking hafa hagað sér eins og fífl
Olise fékk tvö gul spjöld með nokkurra sekúndna millibili undir lok leiksins. Fyrst togaði hann í leikmann Viking áður en hann kastaði boltanum í andlitið á Zlatko Tripic, sem lét sig falla í grasið með miklum tilþrifum.
Askildsen var fljótur að hjóla í Olise og láta hann heyra það en Frakkinn virtist þó ekkert láta þetta á sig fá og gaf honum engan gaum. Norðmaðurinn hélt áfram að reyna að fá viðbrögð frá honum en hafði ekkert upp úr krafsinu.
Eftir leikinn hélt Askildsen svo áfram að gera grín að Olise.
„Þegar hann kastaði boltanum hugsaði ég bara með mér: 'Þvílíkur hálfviti!‘,“ sagði Askildsen.
Norðmennirnir gerðu sitt besta til að komast undir skinnið á Bæjurum og tókst það heldur betur. Bayern fór svekkt frá Noregi með aðeins eitt stig í farteskinu.
Amin Cosic, sem lék áður með KR, HK og Njarðvík, er á mála hjá Viking. Hann sat allan tímann á varamannabekknum í gær.
Askildsen var fljótur að hjóla í Olise og láta hann heyra það en Frakkinn virtist þó ekkert láta þetta á sig fá og gaf honum engan gaum. Norðmaðurinn hélt áfram að reyna að fá viðbrögð frá honum en hafði ekkert upp úr krafsinu.
Eftir leikinn hélt Askildsen svo áfram að gera grín að Olise.
„Þegar hann kastaði boltanum hugsaði ég bara með mér: 'Þvílíkur hálfviti!‘,“ sagði Askildsen.
Norðmennirnir gerðu sitt besta til að komast undir skinnið á Bæjurum og tókst það heldur betur. Bayern fór svekkt frá Noregi með aðeins eitt stig í farteskinu.
Amin Cosic, sem lék áður með KR, HK og Njarðvík, er á mála hjá Viking. Hann sat allan tímann á varamannabekknum í gær.
