- Grótta og Völsungur skildu jöfn í átta marka leik.
Aðalsteinn Jóhann Friðriksson, þjálfari meistaraflokks kvenna hjá Völsungi
„Þetta var leikur sem að mér fannst við frekar slakar fyrstu þrjátíu, en vorum samt vel inn í leiknum. Við byrjum leikinn seint og þær skora, að mér fannst skítamark eftir þrjátíu mínútur og það kveikir svolítið í okkur.“ sagði Aðalsteinn Jóhann Friðriksson, þjálfari Völsung eftir 4-4 jafntefli við Gróttu í Lengjudeild kvenna í dag.
Lestu um leikinn: Grótta 4 - 4 Völsungur
„Við erum frábærar fram að hálfleik og skorum tvö. Komum svo og tökum seinni hálfleik mjög vel og skorum verðskuldað, að mér fannst. Gerðum ótrúlega góða hluti í fimmtán mínútur í byrjun seinni og svo um leið og þær skora mark þá verður of mikill skjálfti í okkur.“
Ég er rosalega ánægður með karakterinn að koma til baka því það er mjög auðvelt að brjóta niður lið eins og okkur sem er búið að vera í þessari baráttu sem við erum búin að vera í.“
„Nú er þetta nokkuð ljóst að við þurfum að vinna hvern einasta leik og liðið fyrir ofan ekki að ná í stig. Róðurinn er vissulega mjög þungur.“
Viðtalið í heild sinni má nálgast hér í spilaranum að ofan.
