Enski deildabikarinn er í fullu fjöri og eru sjö leikir á dagskrá í kvöld, þar sem fimm úrvalsdeildarfélög mæta til leiks.
Úrvalsdeildarnýliðarnir í Luton Town heimsækja Exeter á meðan Wolves kíkir til Ipswich og Burnley á útileik í Salford.
Að lokum á Manchester United heimaleik á Old Trafford gegn Crystal Palace og ríkir mikil eftirvænting fyrir þá viðureign.
Rauðu djöflarnir eiga erfitt verkefni fyrir höndum gegn sprækum andstæðingum og er áhugavert að þessi lið mætast aftur á sama velli fjórum dögum síðar, þegar þau eigast við í ensku úrvalsdeildinni.
Erik ten Hag gæti þurft að fara gætilega í liðsvalinu þar sem Man Utd á framundan heimaleiki við Galatasaray og Brentford með stuttu millibili í byrjun október.
Leikir kvöldsins:
18:45 Bradford - Middlesbrough
18:45 Exeter - Luton
18:45 Ipswich Town - Wolves
18:45 Mansfield Town - Peterborough
18:45 Port Vale - Sutton Utd
18:45 Salford City - Burnley
19:00 Man Utd - Crystal Palace
