Freyr er fluttur á höfuðborgarsvæðið og hefur staðið sig vel á æfingum með Grindavík síðustu vikur.

„Hann verður gjaldgengur með liðinu á næstu leiktíð og verður spennandi að fylgjast með framtíð þessa unga leikmanns," segir í Facebook færslu Grindavíkur.

„Freyr er náskyldur Óðni Árnasyni, fyrrum leikmanni Grindavíkur, og standa vonir til að Freyr verði okkur Grindvíkingum happafengur líkt og frændi hans var á sínum tíma.

„Velkominn til Grindavíkur, Freyr!"

Grindavík leikur í Lengjudeildinni og mun vera þar áfram á næsta ári. Liðið er í fjórða sæti sem stendur og á ekki möguleika að komast upp í efstu deild.