Stjarnan er enn með fullt hús stiga í Lengjubikar karla eftir leik við Gróttu í þriðju umferð riðlakeppninnar í dag.
Stjarnan vann Vestra 3-2 í fyrstu umferð og fylgdi þeim sigri á eftir með 2-0 sigri á ÍA. Grótta hafði fyrir leikinn gegn jafntefli við Keflavík og sigrað Selfoss, 0-2.
Það voru Stjörnumenn sem höfðu betur 3-2 í fjörugum leik á Vivaldi-vellinum en Grótta hafði áður tekið forystuna í seinni hálfleik.
Pétur Theodór Árnason gerði bæði mörk Gróttu í leiknum en hann reyndist einnig skúrkurinn þegar níu mínútur voru eftir.
Pétur varð fyrir því óláni að skora sjálfsmark á 81. mínútu sem reyndist markið til að tryggja Stjörnunni sigur.
Í B-deild mættust Sindri og Víðir en þeim leik lauk með 1-1 jafntefli á heimavelli Sindra.
Það var einnig leikið í C-deildinni en þar áttust við Álftanes og Skallagrímur.
Heil sex mörk voru skoruð í þeirri viðureign en það voru gestirnir í Skallagrím sem fögnuðu að lokum 4-2 sigri.
Grótta 2 - 3 Stjarnan
0-1 Hilmar Árni Halldórsson('18)
1-1 Pétur Theodór Árnason('25)
2-1 Pétur Theodór Árnason('67)
2-2 Tristan Freyr Ingólfsson('70)
2-3 Pétur Theodór Árnason('81, sjálfsmark)
Álftanes 2 - 4 Skallagrímur
1-0 Finn Axel Hansen('38)
1-1 Óttar Bergmann Kristinsson('45)
1-2 Sigurjón Ari Guðmundsson('46)
1-3 Sigurjón Ari Guðmundsson('53)
2-3 Finn Axel Hansen('69)
2-4 Arnar Eiríksson('78)
Sindri 1 - 1 Víðir
1-0 Björgvin Freyr Larsson ('80)
1-1 Eyjólfur Andri Arason ('90+4)
Athugasemdir