Orri Steinn Óskarsson landsliðsfyrirliði.
Landsliðsfyrirliðinn Orri Steinn Óskarsson spjallaði við Fótbolta.net á keppnisvellinum í Toronto en á morgun leikur Ísland vináttulandsleik við Kanada.
„Þetta var bara fínt, völlurinn flottur, smá kalt en við erum því vanir. Góð æfing að baki," segir Orri, kátur beint eftir æfingu en hann getur loksins leikið fyrir Ísland að nýju eftir að hafa verið meiddur í undankeppni HM á síðasta ári.
„Þetta var bara fínt, völlurinn flottur, smá kalt en við erum því vanir. Góð æfing að baki," segir Orri, kátur beint eftir æfingu en hann getur loksins leikið fyrir Ísland að nýju eftir að hafa verið meiddur í undankeppni HM á síðasta ári.
„Þetta var langur tími og mikið af óheppilegum meiðslum alltaf þegar landsliðsverkefni var að koma. Það var erfitt fyrir mig að vera frá strákunum og geta ekki hjálpað liðinu. Geggjað að vera mættur aftur."
Var þetta andleg áskorun?
„Já mjög erfitt. Maður þarf að takast á við mikið þegar maður er meiddur og þroskast mikið sem manneskja og leikmaður. Mikilvægur en erfiður tími."
Orri og kærasta hans eignuðust sitt fyrsta barn á síðasta ári. Hjálpaði í gegnum þennan tíma að það fjölgaði í fjölskyldunni?
„Já það hjálpaði klárlega. Einn af fáum jákvæðum punktum úr þessu er að maður gat varið meiri tíma með fjölskyldu. Það var frábært."
Í viðtalinu ræðir Orri um komandi landsleiki og einnig er rætt um Real Sociedad, komandi bikarúrslitaleik og lagið sem stuðningsmenn syngja um hann.
Athugasemdir
