| þri 27.apr 2021 09:45 Mynd: Fótbolti.net - Hafliði Breiðfjörð |
|
Spá Fótbolta.net - 1. sæti: Valur
Sérfræðingar Fótbolta.net spá því að Valur vinni Pepsi Max-deildina í sumar. Álitsgjafar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. Valsmenn verja Íslandsmeistaratitil sinn ef spáin rætist.
Patrick Pedersen.
Rasmus Christiansen.
Hannes Þór Halldórsson.
Kristinn Freyr Sigurðsson.
Origo völlurinn, heimavöllur Vals.
Birkir Már Sævarsson.
Arnór Smárason.
Tryggvi Hrafn Haraldsson byrjar á meiðslalistanum.
Johannes Vall.
1. Valur 119 stig
2. Breiðablik 109 stig
3. FH 98 stig
4. KR 91 stig
5. KA 78 stig
6. Stjarnan 69 stig
7. Víkingur 57 stig
8. Fylkir 56 stig
9. HK 40 stig
10. Keflavík 28 stig
11. ÍA 23 stig
12. Leiknir 14 stig
Um liðið: Valsmenn urðu Íslandsmeistarar í fyrra. Þrátt fyrir að mótið hafi ekki verið klárað voru þeir vel að titlinum komnir og enginn mótmælir því að titillinn var verðskuldaður. Eftir baslið og vonbrigðin 2019 svöruðu menn á faglegan hátt.
Þjálfari - Heimir Guðjónsson: Heimir er einn besti þjálfari Íslands. Sannur sigurvegari og hans stjóratíð hjá Val fór af stað á öflugan hátt á síðasta ári. Heimir gerir miklar kröfur á sína leikmenn og er afskapleg klókur. Í vetur hefur Valsliðið æft af miklum krafti og eytt mörgum dögum saman á Hlíðarenda. Félagið steig næsta skref í að búa til atvinnumannaumhverfi.
Styrkleikar: Valur hefur gríðarlega öflugt þjálfarateymi og flotta aðstöðu og umhverfi. Hefðin er til staðar og leikmenn sem þekkja það að vinna titla. Liðið er gríðarlega heilsteypt, með mikla breidd og reynslu og getur unnið sigra á ólíka vegu. Valur getur klárað leiki þrátt fyrir að ná sér ekki almennilega á strik. Tveir íslenskir landsliðsmenn í byrjunarliðinu, Hannes og Birkir.
Veikleikar: Þeir þóttu virka þungir í síðasta æfingaleik fyrir mót, tapi gegn Stjörnunni. Eru búnir að missa öfluga leikmenn, þrír sem valdir voru í úrvalslið deildarinnar í fyrra eru horfnir á braut. Tryggvi Hrafn Haraldsson er á meiðslalistanum í byrjun móts. Mæta ríkjandi meistarar hungraðir til leiks eða mun tímabilið minna á 2019?
Lykilmenn: Birkir Már Sævarsson og Patrick Pedersen. Birkir hefur verið frábær á undirbúningstímabilinu og er ekkert að gefa eftir. Enda finnur hann lyktina af 100. landsleiknum! Allt íslenskt fótboltaáhugafólk veit hvað Patrick Pedersen gert. Það er krafa á hann að skora og skapa í hverjum einasta fótboltaleik sem hann spilar.
Fantabrögð mæla með í Draumaliðsdeild Eyjabita:
Sokkaskúffan hans Birkis Más Sævarssonar tæmdist í fyrra en hann er búinn að fylla á hana og verður mættur að dreifa sokkum í sumar, nítjánda árið í röð. Eins og ellefta boðorðið segir: Þú skalt eigi efast um Birki Má. Patrick Pedersen er þarna á 12 og mun raða inn stigum í sumar. Skemmtilegt value gæti verið í Kristni Frey á 9 eða Orra Sigurði á 5 en það er ef þeir spila alla leiki í sumar.
Smelltu hér til að fara í Draumaliðsdeild Eyjabita
Hlaðvarpsþátturinn Ungstirnin mælir með:
Birkir Heimisson er fjölhæfur og efnilegur miðjumaður fæddur 2000 sem getur leyst allar miðjustöðurnar og jafnvel hafsent. Birkir er uppalinn hjá Þór Akureyri og átti hann frábæra sex leiki árið 2016 fyrir Þórsara aðeins 16 ára, þá kom hollenska liðið Heerenveen og keypti Birki og spilaði Birkir í þrjú ár fyrir unglingalið Heerenveen. Birkir kom svo aftur heim til Íslands árið 2020 og gekk til liðs við Val, hann hefur ekki fengið mikið traust undir Heimis Guðjónssonar en auðvitað gríðarlega erfitt að komast inn í sterkt lið Valsara. Sumarið 2021 gæti klárlega verið tímabilið sem Birkir springur út í góðu liði Vals, svipað eins og Valgeir Lunddal gerði í fyrra enda er Birkir mjög hæfileikaríkur leikmaður.
Spurningarnar: Eru nýju leikmennirnir jafn góðir og þeir sem hurfu á braut? Er hungur á Hlíðarenda? Vantar hraða í sóknina? Verður Patrick Pedersen leikmaður mótsins?
Völlurinn: Origo-völlurinn á Hlíðarenda er glæsilegt mannvirki. Stemningin í kringum heimaleiki Vals hefur verið góð undanfarin ár en áhorfendur geta brugðið sér í Fjósið fyrir leiki og hitað upp með mat og drykk.
„Nýju leikmennirnir koma vel inní hópinn"
Aðstoðarþjálfarinn segir - Túfa (Srdjan Tufegdzic)
„Spáin kemur okkur ekki á óvart og sú sama og fyrir tímabilið 2020 og sem ríkjandi Íslandsmeistarar þá er þetta eðlileg spá. Markmið Vals er ávallt það sama, vera í toppbaráttu og berjast um alla titla sem eru í boði. Það sem skiptir okkur mestu máli er að við leggjum hart að okkur og sköpum sterkan liðsheild, þá gerast góðir hlutir. Við erum mjög sáttir við leikmannahópinn, nýju leikmennirnir koma vel inní hópinn. Erum búnir að æfa mjög vel og getum ekki beðið eftir að byrja Íslandsmótið 2021."
Komnir
Almarr Ormarsson frá KA
Arnór Smárason frá Lilleström
Christian Köhler frá Esbjerg
Kristófer Jónsson frá Haukum
Johannes Vall frá Ljungskile
Tryggvi Hrafn Haraldsson frá Lilleström
Farnir
Aron Bjarnason til Ujpest (Var á láni)
Eiður Aron Sigurbjörnsson í ÍBV
Einar Karl Ingvarsson í Stjörnuna
Kasper Högh til Randers (Var á láni)
Lasse Petry til HB Köge
Valgeir Lunddal Friðriksson í Hacken
Fyrstu fimm leikir Vals:
30. apríl Valur - ÍA
9. maí FH - Valur
13. maí Valur - HK
17. maí KR - Valur
21. maí Valur - Leiknir
Sjá einnig:
Hin hliðin - Kristófer Jónsson
Hin hliðin - Rasmus Christiansen
Leikmenn Vals:
1 - Hannes Þór Halldórsson (m)
2 - Birkir Már Sævarsson
3 - Johannes Vall
4 - Christian Köhler
5 - Birkir Heimisson
6 - Sebastian Hedlund
7 - Haukur Páll Sigurðsson
8 - Arnór Smárason
9 - Patrick Pedersen
10 - Kristinn Freyr Sigurðsson
11 - Sigurður Egill Lárusson
12 - Tryggvi Hrafn Haraldsson
13 - Rasmus Christiansen
15 - Sverrir Páll Hjaltisted
17 - Andri Adolphsson
19 - Kristófer Jónsson
20 - Orri Sigurður Ómarsson
21 - Magnus Egilson
25 - Sveinn Sigurður Jóhannesson
26 - Sigurður Dagsson
27 - Kristófer André Kjeld Cardoso
28 - Bele Alomerovic
29 - Kári Daníel Alexandersson
33 - Almarr Ormarsson
77 - Kaj Leo í Bartalsstovu
Spámennirnir: Arnar Daði Arnarsson, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Ingólfur Sigurðsson, Magnús Már Einarsson, Sverrir Einarsson, Sæbjörn Þór Þórbergsson Steinke, Tómas Þór Þórðarson
Athugasemdir
