Fotbolti.net
27.05.21 - 14:08
Ívan Guðjón Baldursson
Ítalska deildin

Mike Maignan til AC Milan (Staðfest)

Mike Maignan til AC Milan (Staðfest)
Canon

Mynd: EPA

AC Milan er búið að staðfesta kaup á Mike Maignan, markverði Frakklandsmeistara Lille.
Maignan er búinn að skrifa undir fimm ára samning við Milan og tekur hann við markmannsstöðu Gianluigi Donnarumma sem yfirgefur félagið á frjálsri sölu eftir átta ár í Mílanó.

Maignan verður 26 ára í sumar og kemur ódýrt frá Lille þar sem hann átti aðeins eitt ár eftir af samningi sínum við félagið. Milan borgar 13 milljónir evra auk árangurstengdra greiðsla, en kaupverðið er ekki talið geta farið langt yfir 15 milljónir í heildina.

Maignan á 37 leiki að baki fyrir yngri landslið Frakka og einn fyrir A-landsliðið. Þar af eru 6 leikir fyrir U21 landsliðið.

Milan endaði í öðru sæti ítölsku deildarinnar og stefnir á að styrkja hópinn í sumar. Fikayo Tomori, varnarmaður Chelsea, er ofarlega á óskalistanum.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.