Býst við að Rogers og Palmer spili frábærlega saman

Miðjumaðurinn varð dýrasti breski leikmaður sögunnar þegar hann gekk til liðs við Chelsea frá Aston Villa í síðustu viku.

„Við þurftum mikilvægan leikmann í þessa stöðu og ég er viss um að það hafi ekki verið margir betri kostir í stöðunni en Morgan Rogers," segir Alonso.

„Maður þarf leikmenn sem geta haft áhrif samstundis og ég er viss um að Morgan muni ekki þurfa langan tíma til að aðlagast félaginu, leikkerfinu og liðsfélögunum."

Rogers hefur skrifað undir sex ára samning við Chelsea, með möguleika á framlengingu um eitt ár.

Alonso telur að Rogers og Palmer muni passa vel saman inni á vellinum. Utan vallar eru þeir bestu vinir en þeir voru saman í akademíu Manchester City og með landsliðum Englands.

„Ég er með áætlun. Ég er með hugmynd. Ég sé fyrir mér að þeir muni spila mjög vel saman, Við þurfum góða blöndu," segir Alonso.