Myndband: Öðruvísi aðferð Mikaels vekur athygli

Liverpool vann FC Midtjylland í Meistaradeildinni á Anfield í kvöld. Lokatölur voru 2-0 og voru það þeir Diogo Jota og Mo Salah sem skoruðu mörkin.

Landsliðsmaðurinn Mikael Neville Anderson leikur með Midtjylland og kom hann inn á sem varamaður í seinni hálfleik.

Það vakti athygli þegar Mikael var að undirbúa sig inn á. Mikael fór í treyju sína með frjálsri aðferð eins og má sjá hér að neðan.

Mikael var fyrsti varamaðurinn til að koma inn á hjá Midtjylland og lék síðustu 24 mínúturnar. Hann kom einnig inn á í fyrstu umferð gegn Atalanta.