27.11.22 - 13:29
Aksentije Milisic
Inter Milan ætlar að bjóða 20 milljónir punda leikmann Fulham
Í leik með Bandaríkjunum.
Mynd: EPA
Í leik með Bandaríkjunum.
Mynd: EPA
Antonee Robinson, bakvörður Fulham og bandaríska landsliðsins, gæti verið á leið til Ítalíu ef marka má nýjustu fregnir.
Þessi 25 ára gamli leikmaður spilaði vel í markalausu jafntefli gegn Englandi á föstudaginn en hann var nálægt því að ganga í raðir AC Milan fyrir tveimur árum.
Hann féll á læknisskoðun þá en nú gæti hann verið á leið til erkifjandanna en Inter Milan ætlar að bjóða tuttugu milljónir punda í kappann.
Ef Inter fær Robinson þá mun hann veita Federico Dimarco samkeppni en hann er ekki á Heimsmeistaramótinu eftir að Ítalíu mistókst að komast þangað.
Robinson hefur varla misst af leik hjá Fulham síðan hann gekk til liðsins árið 2020.
