Örvar framlengir við Stjörnuna (Staðfest)

Örvar er lykilmaður í sóknarleik Stjörnunnar sem skoraði 16 mörk í 28 leikjum í deild og bikar í fyrra.

Hann gekk til liðs við Stjörnuna fyrir rúmlega tveimur árum síðan eftir að hafa leikið fyrir Víking R. og HK á ferlinum en hann ólst upp hjá FH.

Hann er þegar kominn með tvö mörk í þremur deildarleikjum á nýju tímabili í Bestu deildinni og eru það því miklar gleðifréttir fyrir Stjörnuna að Örvar sé búinn að skrifa undir.

„Knattspyrnudeild fagnar því að halda Örvari í bláu treyjunni og bindur miklar vonir við hans framlag. Til hamingju Stjarnan og Örvar!" segir meðal annars í tilkynningu frá Stjörnunni.