Segir Kvaratskhelia ekki á förum frá PSG

Kvaratskhelia er án efa einn af bestu mönnum PSG, en þrátt fyrir það er framtíð hans reglulega rædd í fjölmiðlum.

Hann hefur verið orðaður við lið á Englandi og Spáni, en Badri, faðir leikmannsins, segir það ekki vera til umræðu á þessum tímapunkti.

„Khvicha á förum frá PSG? Hann er ekki að hugsa um það. Hann er ánægður í París þar sem hann er í miklum metum og fær virðingu frá félaginu.“

„Af hverju ætti hann að hugsa um að fara eitthvað annað þegar hann er að vinna titla og er einn af lykilmönnum PSG? Ef PSG óskar ekki lengur eftir starfskröftum hans þá munum við skoða alla kosti, en það er ekki til umræðu á þessum tímapunkti,“ sagði faðir hans.