Sigurvin Reynisson, fyrirliði nýliða Gróttu í Pepsi Max-deildinni, hefur glímt við meiðsli í tæpt ár. Hann er allur að koma til og ræddi um stöðu mála í dag.
„Staðan á mér er góð. Ég er að klára endurhæfinguna eftir aðgerð á hné, reikna með að vera byrjaður að æfa á fullu í næstu viku," sagði Sigurvin við Fótbolta.net í dag.
„Staðan á mér er góð. Ég er að klára endurhæfinguna eftir aðgerð á hné, reikna með að vera byrjaður að æfa á fullu í næstu viku," sagði Sigurvin við Fótbolta.net í dag.
Eins og segir hér að ofan þá er tæpt ár síðan að Sigurvin meiddist. Hvenær meiðist hann og hvers háttar eru meiðslin?
„Það rifnar hjá mér liðþófinn á miðju síðasta tímabili en ég næ að tjasla mér saman og klára síðustu leikina. Ég fer svo í aðgerð beint eftir tímabil og þá hófst langt endurhæfingaferli. Ég finn síðan eftir hlaupin í samkomubanninu að það er enn eitthvað að plaga mig í hnénu og fer því aftur í aðgerð sem ég er að klára að jafna mig á núna."
Telur Sigurvin að hann gæti tekið þátt í eða jafnvel byrjað fyrsta leik í deildinni? Grótta mætir Breiðablik sunnudaginn 14. júlí.
„Ég er nú bara að klára endurhæfinguna og vona að ég verði allavega orðinn heill heilsu fyrir fyrsta leik,"
Athugasemdir