Fotbolti.net
28.05.21 - 16:30
Ívan Guðjón Baldursson

David Alaba til Real Madrid (Staðfest)

David Alaba til Real Madrid (Staðfest)
Canon

Mynd: Getty Images

Real Madrid er búið að staðfesta komu David Alaba til félagsins á frjálsri sölu frá FC Bayern.
Austurríski varnarmaðurinn skrifar undir fimm ára samning við spænska stórveldið eftir að hafa leikið fyrir Bayern í rúman áratug.

Alaba verður 29 ára gamall í sumar og er því á besta aldri. Hann er einn af bestu knattspyrnumönnum heims í ýmsum stöðum á vellinum þar sem hann hefur leikið ýmist sem miðvörður, vinstri bakvörður, vinstri kantur og miðjumaður á ferlinum.

Alaba fær risasamning hjá Real og verður einn af launahæstu leikmönnum félagsins, ef ekki sá allra launahæsti.

Talað er um að hann muni þéna hálfa milljón evra í hverri viku og fái um 15-20 milljónir í vasann fyrir að skrifa undir hjá Real.

Alaba er lykilmaður í landsliði Austurríkis og hefur unnið ógrynni titla á tíma sínum hjá Bayern.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.