Aron Snær Friðriksson.
Aron Snær Friðriksson varði mark KR í 1-0 sigrinum gegn Stjörnunni í kvöld. Simen Lillevik Kjellevold sem hefur varið mark KR hingað til var hinsvegar á bekknum.
Rúnar Kristinsson var spurður að því á Stöð 2 Sport fyrir leikinn hver væri ástæðan fyrir markmannsskiptunum og greindi frá því að Kjellevold tók ekki þátt í æfingum í aðdraganda leiksins.
Rúnar Kristinsson var spurður að því á Stöð 2 Sport fyrir leikinn hver væri ástæðan fyrir markmannsskiptunum og greindi frá því að Kjellevold tók ekki þátt í æfingum í aðdraganda leiksins.
Lestu um leikinn: KR 1 - 0 Stjarnan
„Simen hefur verið erlendis hjá veikum aðstandanda, hann hefur verið í Noregi síðustu fjóra daga. Hann hefur ekkert æft með okkur og eðlilegt að Aron fái sénsinn til að spila," sagði Rúnar.
Kjellevold hefur fengið talsverða gagnrýni í upphafi móts en þótti þó standa sig vel í 2-1 útisigri gegn Fram í síðustu umferð. Hann var valinn maður leiksins á Stöð 2 Sport.
Fróðlegt verður að sjá hvort hann komi aftur í mark KR í leik gegn Fylki næsta fimmtudag eða hvort Aron verði áfram í rammanum eftir að hafa haldið hreinu í kvöld.
Simen Kjellevold.
Athugasemdir
