Galtier tók við af Mauricio Pochettino síðasta sumar en liðið hefur fengið mikla gagnrýni undir stjórn Galtier.

Liðið vann frönsku deildina en með þennan hóp og fjármagn á það að vera í áskrift. Liðið komst hins vegar ekki í úrslit franska bikarsins og datt þá úr leik í 16-liða úrslitum Meistaradeildarinnar.

Það spilaði leiðinlegan fótbolta miðað við gæði og er líklegt að félagið segi skilið við Galtier í sumar en hann segist þó verðskulda annað tímabil.

„Mér finnst ég verðskulda annað tímabil. Ég hef gefið alla mína orku í þetta. Ég gat haldið liðinu á sömu braut þrátt fyrir mikla erfiðleika. Persónulega finnst mér ég verðskulda það að halda áfram með liðið,“ sagði Galtier.