Maggi: Ákall á Mosfellinga

„Fyrri hálfleikurinn var ekki góður hjá okkur og við tókum okkur taki í seinni hálfleik og spiluðum betur, þó að tvö mörk hafi komið í fyrri hálfleik var það alls ekki góður hálfleikur hjá okkur. Við þurfum að gera betur en þetta í komandi leikjum og bara heppnir að vera með þetta forskot í hálfleik. Seinni hálfleikurinn fannst mér vera betri og var sáttur með varnarleikinn þannig ég var bara mjög ánægður með strákana."

Elmar Kári leikmaður Aftureldingar átti að byrja en tók ekki þátt í leiknum.

„Hann fann eitthvað smá til og við ákváðum að taka enga sénsa hérna á grasinu en ég er vongóður um að hann verði klár í næsta leik."

Næsti leikur Aftureldingar er á sunnudaginn gegn Fylki sem sitja í toppsætinu eftir sex umferðir. 

„Ég geri ákall til allra Mosfellinga að fjölmenna, ég vill fá sömu stemningu og hefur verið í bestu leikjunum undanfarin ár, það hjálpar þeim gríðarlega í baráttunni. Ég hvet alla til að taka frá sunnudagskvöldið og mæta og styðja strákana."