lau 28. nóvember 2020 21:07
Guðmundur Aðalsteinn Ásgeirsson
Ancelotti gráti næst þegar klappað var fyrir Maradona
Carlo Ancelotti.
Carlo Ancelotti.
Mynd: Getty Images
Það var tilfinningaþrungin stund fyrir Carlo Ancelotti þegar klappað var í mínútu til minningar um Diego Maradona, fyrir leik Everton og Leeds í ensku úrvalsdeildinni.

Argentínska goðsögnin Maradona lést í vikunni. Hann fékk hjartaáfall á heimili sínu. Maradona er einn besti, ef ekki besti, fótboltamaður allra tíma og var ótrúlegur karakter.

Ancelotti og Maradona mættust oft í ítalska boltanum þegar Maradona var leikmaður Napoli og Ancelotti leikmaður AC Milan og Roma.

Ancelotti, sem er í dag stjóri Everton, talaði um Maradona í vikunni og sagði þá: „Hann var andstæðingur, en svo varð hann vinur. Hann var með ótrúleg gæði og hann var besti leikmaður sem ég spilaði nokkurn tímann á móti."



Athugasemdir
banner
banner
banner