Erling Haaland er að bæta markamet á hverjum degi þessa dagana en hann skoraði 50. mark sitt í ensku úrvalsdeildinni um helgina í jafntefli gegn Liverpool.
Enginn hefur skorað 50 mörk eins fljótt og hann en norðmanninum tókst að gera það í 48 leikjum.
Manchester City hefur jafnað metin gegn RB Leipzig í Meistaradeildinni í kvöld en City er með þriggja stiga forystu á Leipzig á toppi riðilsins.
Leipzig var með 2-0 forystu í hálfleik en Haaland minnkaði muninn eftir tíu mínútna leik í seinni hálfleik. Þetta var fertugasta mark hans í Meistaradeildinni í 35. leik sínum.
Hann er bæði fljótastur og yngstur til að ná 40 mörkum í Meistaradeildinni en Ruud van Nistelrooy skoraði 40 mörk í 45 leikjum. Kylian Mbappe var 23 ára og 317 daga gamall þegar hann skoraði 40 mörk en Haaland er 23 ára og 130 daga gamall.
Phil Foden jafnaði metin á 70. mínútu.
