Barcelona vill Díaz frá Liverpool - Úlfarnir skoða markverði - City til í að hlusta á tilboð í Grealish
   fim 29. febrúar 2024 06:00
Jóhann Þór Hólmgrímsson
Bjarki Steinn innsiglaði sigur Venezia - Gummi Tóta ónotaður varamaður
Bjarki Steinn
Bjarki Steinn
Mynd: Fótbolti.net - Hafliði Breiðfjörð

Bjarki Steinn Bjarkason var á skotskónum í sigri Venezia í ítölsku B deildinni í gær.


Bjarki byrjaði á bekknum en kom inn á sem varamaður eftir klukkutíma leik og innsiglaði 2-0 sigur liðsins þegar um stundarfjórðungur var til leiksloka.

Mikael Egill Ellertsson spilaði 80 mínútur í leiknum. Venezia er í öðru sæti deildarinnar með 51 stig, fimm stigum á eftir toppliði Parma.

Hjörtur Hermannsson var ekki í leikmannahópi Pisa sem gerði 2-2 jafntefli gegn Modena á heimavelli. Pisa er í 14. sæti deildarinnar með 31 stig.

Guðmundur Þórarinsson sat allan tímann á varamannabekknum þegar OFI Crete tapaði 3-1 gegn Volos í grísku deildinni. Samúel Kári Friðjónsson var ekki í leikmannahópi Atromitos sem vann 3-1 sigur á Lamia og Ögmundur Kristjánsson var ekki í leikmannahópi Kifisia í 3-3 jafntefli gegn Asteras Tripolis.

Atromitos er í 8. sæti með 27 stig. Crete er í 9. sæti með 24 stig en Kilfisia er í 13. og næst neðsta sæti með 18 stig.


Athugasemdir
banner
banner