Ísland í dag - Afturelding getur tryggt sér sæti í Bestu deildinni

Endaspretturinn í íslenska boltanum er í fullum gangi en Afturelding getur t.d. tryggt sér sæti í Bestu deildinni.

Liðið fær Vestra í heimsókn og tryggir sér efsta sætið í Lengjudeildinni og þar með sæti í Bestu deildinni með sigri. Þá er spenna í fallbaráttunni en Völsungur og Grindavík eru í harðri baráttu. Grindavík er í öruggu sæti, stigi á undan Völsungi sem er í fallsæti. Bæði lið eiga heimaleik í dag.

Þá er botnbaráttuslagur í Bestu deildinni þar sem Þór heimsækir ÍBV til Eyja. Þór fer upp úr fallsæti og sendir ÍBV í fallsæti í leiðinni með sigri.

Fjórir leikir í næst síðustu umferð Bestu deildar kvenna fyrir tvískiptinguna fara fram í dag. Breiðablik getur náð sex stiga forystu á FH í titilbaráttunni en FH spilar á morgun. Þá er spennandi leikur milli Þróttar og Þór/KA sem berjast um að enda í efri hlutanum. Þróttur er í 6. sæti, tveimur stigum á undan Þór/KA sem er í 7. sæti.

Grótta getur tryggt sér sigur í Lengjudeild kvenna og þar með sæti í Bestu deildinni en liðið mætir Selfossi. Völsungur þarf á sigri að halda gegn ÍA til að eiga möguleika á að halda sér uppi.

Þá getur Selfoss endurheimt 2. sæti í 2. deild karla en liðið mætir Magna. KFG getur komist upp úr fallsæti með góðum úrslitum gegn Dalvík/Reyni.

Fjölnir og Einherji berjast hart um efsta sætið í 2. deild kvenna. þá er spilað í 3.deild, 4. deild og úrslitum 5. deildar.