„Smá högg í vetur þegar ég var ein af þeim elstu 22 ára"
Aldís hrósar ungu leikmönnunum sem eru að stíga sín fyrstu skref
Mynd: Fótbolti.net - Hafliði Breiðfjörð
Aldís hrósar ungu leikmönnunum sem eru að stíga sín fyrstu skref
Mynd: Fótbolti.net - Hafliði Breiðfjörð
FH tapaði 2-1 gegn Þrótti í kvöld í hörkuleik þar sem sigurmarkið kom undir lokin. Markvörðurinn Aldís Guðlaugsdóttir var svekkt eftir leik en segir þó að margt jákvætt megi taka með sér.
„Við vorum alveg yfir í baráttu og alveg góð bæting eftir síðasta leik. Þetta eru bara smáatriði sem við þurfum að púsla aðeins betur saman og aðeins skerpa á.“
„Svo fannst mér ég líka, ég átti stóra ábyrgð í þessu. Mér fannst ég eiga þessa bolta og vanalega myndi ég taka þá en ekki í dag greinilega.“
„Mér finnst alltaf gaman að spila, það er gaman þegar það er hátt tempó og góð gæði. Mér finnst alltaf gaman að spila á móti Þrótti. Það eru sterkir mótherjar og væri skemmtilegra að vinna.“
Hún segir hópinn sterkan, sérstaklega með ungu leikmönnunum sem eru að koma upp.
„Það var smá högg í vetur þegar ég var ein af þeim elstu 22 ára."
„Bara bravó á stelpurnar sem eru að koma úr ÍH og eru að stíga inn núna fyrstu skrefin í meistaraflokknum. Þær eru bara búnar að standa sig eins og hetjur. Þær eru líka þindarlausar, þær geta hlaupið endalaust.“
„Það er bara góð stemming í hópnum, þurfum að linka aðeins betur inn á vellinum en utan vallar eru allar mjög góðar vinkonur.“
FH hefur aðeins náð einu stigi úr fyrstu tveimur leikjum en Aldís segir liðið vita hvað þarf að bæta.
„100% við vitum að við eigum að gera miklu betur. Við vitum alveg hvað við þurfum að laga og við þurfum bara að gera það.“
