Glódís Perla Viggósdóttir.
Landsliðskonan Glódís Perla Viggósdóttir er í liði ársins í Þýskalandi hjá vefmiðlinum 90min.
Glódís átti stórkostlegt tímabil með stórveldinu Bayern München og hjálpaði liðinu að verða Þýskalandsmeistari.
Þeir hjá 90min völdu lið ársins út frá því hversu oft leikmenn voru í liði vikunnar hjá miðlinum en Glódís var alls átta sinnum í liði vikunnar. Enginn leikmaður í deildinni var oftar í liði vikunnar en hún.
Glódís, sem er landsliðsfyrirliði Íslands, gekk í raðir Bayern frá Rosengård í Svíþjóð sumarið 2021 og hefur hún verið lykilmaður hjá Bayern síðan þá.
Hún hefur verið orðuð við Arsenal sem er eitt stærsta félagið á Englandi og það er spurning hvort hún leiki áfram í Þýskalandi á næstu leiktíð.
Das Team der Saison* in der Frauen-Bundesliga! ????
— 90min.de (@90min_DE) May 30, 2023
*ausgewählt nach der Anzahl der Nominierungen für die Topelf der Woche. pic.twitter.com/FY0ifhO92e
Athugasemdir
