30.08.20 - 12:40
Ívan Guðjón Baldursson
Yfirlýsing frá La Liga: Messi kostar 700 milljónir


Mynd: Getty Images


Mynd: Getty Images
Dramatíkin heldur áfram í máli Lionel Messi sem vill ólmur yfirgefa Barcelona, félagið sem hann hefur spilað fyrir allan ferilinn.
Messi neitaði að mæta í mótefnamælingu í dag og getur því ekki byrjað að æfa með liðinu á morgun vegna reglugerðar í sambandi við Covid-19.
Messi heimtar að fara frítt frá Barca en félagið hefur engan áhuga á að leyfa honum að fara. Í samningi hans er söluákvæði sem hljóðar uppá 700 milljónir evra og er hann aðeins falur fyrir þá upphæð eins og staðan er í dag.
„La Liga mun ekki leyfa Lionel Messi að skipta um félag nema söluákvæði leikmannsins verði borgað upp," segir meðal annars í yfirlýsingu frá stjórn spænsku deildarinnar, La Liga.
La Liga verður að heimila félagaskiptin til að leikmaðurinn geti fært sig löglega um set.
Messi heimtar að fara frítt frá Barca en félagið hefur engan áhuga á að leyfa honum að fara. Í samningi hans er söluákvæði sem hljóðar uppá 700 milljónir evra og er hann aðeins falur fyrir þá upphæð eins og staðan er í dag.
„La Liga mun ekki leyfa Lionel Messi að skipta um félag nema söluákvæði leikmannsins verði borgað upp," segir meðal annars í yfirlýsingu frá stjórn spænsku deildarinnar, La Liga.
La Liga verður að heimila félagaskiptin til að leikmaðurinn geti fært sig löglega um set.
