Ítalía: Inter skoraði fimm - Udinese tapaði gegn nýliðum

Romelu Lukaku skoraði tvennu, Alexis Sanchez og Ashley Young lögðu upp sitthvort markið og þá skoraði Achraf Hakimi einnig og gaf stoðsendingu.

Gianluca Caprari, sem var eitt sinn leikmaður Inter, gerði bæði mörk Benevento í leiknum.

Á sama tíma tapaði Udinese á heimavelli gegn nýliðum Spezia, sem Sveinn Aron Guðjohnsen lék með í fyrra. Sveinn Aron var þó lánaður til OB í Danmörku fyrir upphaf Serie A tímabilsins.

Spezia kom á óvart og vann leikinn þökk sé tvennu frá Andrey Galabinov. Gestirnir voru betri í fyrri hálfleik og verðskulduðu forystuna en heimamenn í Udine tóku algjöra stjórn eftir leikhlé.

Þrátt fyrir mikið af marktækifærum og rauðu spjaldi í liði gestanna tókst heimamönnum ekki að minnka muninn og innsiglaði Galabinov sigur Spezia á 90. mínútu.

Benevento 2 - 5 Inter
0-1 Romelu Lukaku ('1)
0-2 Roberto Gagliardini ('25)
0-3 Romelu Lukaku ('28)
1-3 Gianluca Caprari ('34)
1-4 Achraf Hakimi ('42)
1-5 Lautaro Martinez ('71)
2-5 Gianluca Caprari ('76)

Udinese 0 - 2 Spezia
0-1 Andrey Galabinov (29)
0-2 Andrey Galabinov ('94)
Rautt spjald: Claudio Terzi, Spezia ('66)