Karólína Lea á skotskónum þegar Leverkusen skoraði sex

Hún átti frábæran leik í öruggum 6-0 sigri en Karólína skoraði tvennu og lagði upp eitt mark. Nikola Karczewska gerði þrennu í liði Leverkusen í sigri sem var síst of stór.

Karólína spilaði 68 mínútur í dag en ásamt því að skora tvö og leggja upp eitt þá fékk hún gult spjald. Staðan var 5-0 þegar hún var tekin af velli. Sigurinn í dag var sá fyrsti hjá Leverkusen á tímabilinu en tvær umferðir eru búnar af þýsku deildinni.

Karólína er á láni hjá Leverkusen frá Bayern Munchen og því ljóst að hún fer mjög vel af stað.