Evrópubikarinn: Diljá Ýr skoraði í öruggum sigri

Diljá Ýr Zomers var í byrjunarliði Brann og skoraði í 4-0 sigri gegn HJK frá Helsinki. Diljá skoraði annað mark leiksins og fékk að spila allan tímann. Brenna Lovera var með henni í byrjunarliðinu og var kippt af velli á 60. mínútu, í stöðunni 2-0.

Brann vann fyrri leikinn 2-0 og því urðu samanlagðar lokatölur 6-0. Brann tryggði sér með þessum sigri þátttökurétt í 16-liða úrslitum Evrópubikarsins.

Tveir Íslendingar komu þá við sögu í sigri Vålerenga gegn Feyenoord sem dugði þó ekki til að koma liðinu áfram í næstu umferð. Fanney Inga Birkisdóttir varði mark norska stórliðsins og byrjaði Arna Eiríksdóttir í hjarta varnarinnar í 2-1 sigri.

Vålerenga tapaði fyrri leiknum 4-1 og er því dottið úr leik.

Selma Sól Magnúsdóttir var svo ónotaður varamaður í frábærum sigri Rosenborg gegn Slovan Liberec eftir að hafa tapað fyrri leiknum ytra.

Liberec vann 3-1 í Tékklandi en Rosenborg svaraði með 4-1 sigri í Noregi.

Ajax, Sparta Prag, Myjava og PSV Eindhoven eru einnig komin áfram í 16-liða úrslitin og eru nokkrir spennandi leikir í gangi þessa stundina, þar á meðal útileikir FH og Breiðabliks gegn Eintracht Frankfurt og Czarni Sosnowiec.

Brann 4 - 0 HJK (6-0 samanlagt)
1-0 L. Davidson ('10)
2-0 Diljá Ýr Zomers ('53)
3-0 A. Aahjem ('67)
4-0 A. Aahjem ('71)

Valerenga 2 - 1 Feyenoord (3-5 samanlagt)

Rosenborg 4 - 1 Slovan Liberec (5-4 samanlagt)

Fortuna Hjörring 0 - 0 PSV (0-1 samanlagt)

Myjava 1 - 1 PAOK (4-3 samanlagt)

Aktobe 1 - 0 Ajax (1-8 samanlagt)

Farul Constanta 0 - 4 Sparta Prag (1-8 samanlagt)