Myndband: Aron Einar skoraði er Al Arabi komst í úrslit Emir-bikarsins

Al Arabi er kominn í úrslitaleik Emir-bikarsins í Katar eftir sigur á Al Markhiya í dag. Um er að ræða stærstu bikarkeppni landsins. Heimir Hallgrímsson er þjálfari Al Arabi og Aron Einar Gunnarsson er leikmaður liðsins.

Freyr Alexandersson var í starfsliði Al Arabi í leiknum en hann er að taka við starfi aðstoðarþjálfara liðsins.

Aron Einar var á skotskónum í dag, hann skoraði fyrra mark Al Arabi í 0-2 sigri. Abdulaziz Al-Ansari skoraði seinna mark Al Arabi. Mörkin má sjá hér að neðan.

Þetta var fyrri undanúrslitaviðureignin því á morgun mætast Al Duhail og Al Sadd í hinni viðureigninni.

Fyrir þremur vikum var Al Arabi í bikarúrslitum QSL bikarsins og því er þetta annar bikarúrslitaleikurinn sem liðið kemst í á stuttum tíma. 23 ár eru síðan Al Arabi vann síðast stóran bikar.

GOAL! Gunnarsson gives Al-Arabi the lead! #AmirCup2020pic.twitter.com/Qg81CfIBxI

— Qatar Football Live (@QFootLive) October 30, 2020

It’s over now - the long wait is over!! Al-Arabi have reached the Amir Cup final after 27 YEARS!!

Now.. can they win their first major title since 1997? The Dream Team’s dreams remain alive #AmirCup2020 pic.twitter.com/A33RWu9LAO

— Qatar Football Live (@QFootLive) October 30, 2020