Hann kom við sögu í 40 leikjum í öllum keppnum með Brighton í vetur, skoraði tólf mörk og lagði upp þrjú.

Hann á tvö ár eftir af samningi sínum við Brighton og er riftunarákvæði í samningnum. Liverpool er tilbúið að greiða þá upphæð. Fjallað hefur verið um að sú upphæð sé 70 milljónir en félagaskiptasérfræðingurinn Fabrizio Romano segir að upphæðin sé lægri.

Hann segir að viðræður Liverpool við leikmanninn séu svo gott sem í höfn en enn eigi eftir að hnýta nokkra hnúta og að Liverpool vonist til að allt verði frágengið í næstu viku.