Besta deildin: Þægilegt fyrir Stjörnuna á Kópavogsvelli

Breiðablik og Stjarnan áttust við í eina leik kvöldsins í Bestu deild karla og fór leikurinn fjörlega af stað. Liðin skiptust á að sækja þar til Guðmundur Kristjánsson skoraði með skalla eftir hornspyrnu frá Benedikt V. Warén á 29. mínútu.

Leikið var á Kópavogsvelli og tóku gestirnir úr Garðabæ völdin eftir opnunarmarkið. Birnir Snær Ingason lagði upp gott færi og skoraði skömmu síðar eftir góðan undirbúning frá Örvari Eggertssyni.

Staðan var því 0-2 í leikhlé eftir afar slakan fyrri hálfleik heimamanna. Síðari hálfleikurinn var svo afar tíðindalítill þar sem Blikar sköpuðu sér lítið sem ekkert. Þeir vildu fá vítaspyrnu í uppbótartíma en fengu ekki og urðu lokatölur 0-2.

Stjarnan jafnar ÍA á stigum með þessum sigri og eru liðin í harðri baráttu um að enda í efri hluta deildarinnar fyrir tvískiptingu. Stjarnan er með 27 stig fyrir lokaumferðina, aðeins þremur stigum á eftir Blikum sem sitja í fjóroða sæti.