Fylkismenn þurftu að játa sig sigraða í fyrstu umferð Pepsi-deildarinnar þegar liðið tapaði 2-0 fyrir Stjörnunni í Garðabæ. Stjörnumenn voru betri í leiknum en sigurinn torsóttur. Ásgeir Börkur Ásgeirsson, fyrirliði Fylkis, hafði þetta að segja eftir leik:
Lestu um leikinn: Stjarnan 2 - 0 Fylkir
„Við vorum ekki nægilega öflugir í fyrri hálfleik en komum ákveðnir í seinni hálfleikinn. Svo gerist þetta atvik þegar við vorum að mjakast inn í leikinn," segir Ásgeir Börkur en Stjarnan komst yfir úr aukaspyrnu skömmu eftir að Ásgeir Eyþórsson, leikmaður Fylkis, fékk rauða spjaldið.
Hermann Hreiðarsson, þjálfari Fylkis, tók út leikbann og var ekki á hliðarlínunni.
„Hemmi er þannig karakter að maður vill alltaf hafa hann á bakinu á sér og heyra í honum á hliðarlínunni."
Viðtalið má sjá í heild í sjónvarpinu hér að ofan.
Athugasemdir