Hvaða leikmenn mun Klopp kaupa í sumar?
Tímabilinu fer senn að ljúka og þá tekur HM við, og jú félagaskiptamarkaðurinn.
Liverpool er komið í úrslitaleik Meistaradeildarinnar og mætir þar Real Madrid í Kænugarði um næstu helgi. Einbeiting Jurgen Klopp, stjóra Liverpool, er á þeim leik, en eftir að honum er lokið fara spjótin að beinast að markaðnum.
Liverpool er komið í úrslitaleik Meistaradeildarinnar og mætir þar Real Madrid í Kænugarði um næstu helgi. Einbeiting Jurgen Klopp, stjóra Liverpool, er á þeim leik, en eftir að honum er lokið fara spjótin að beinast að markaðnum.
Hvaða leikmenn á Klopp kaupa í sumar?
Staðarmiðillinn Liverpool Echo ákvað að skoða málið og fékk fjóra af blaðamönnum sínum til að nefna einn leikmann sem myndi styrkja nú þegar mjög sterkt lið Liverpool. Mirror gerði frétt um málið og bætti við einum leikmanni. Athyglisvert er að þrír af blaðamönnum Echo völdu sóknarsinnaðan leikmann og var pælingin á bak við það að auka þyrfti breiddina. Blamaður Mirror valdi líka sóknarsinnaðan leikmann.
Hér að neðan má sjá hvaða leikmenn voru fyrir valinu.
Christian Pulisic frá Borussia Dortmund. 19 ára strákur sem hefur blómstrað í Þýskalandi. Klopp þekkir hann vel.
Thomas Lemar frá Mónakó. Hefur lengi verið eftirsóttur. Gæti veitt Liverpool meiri breidd fram á við.
Jan Oblak frá Atletico Madrid. Loris Karius hefur verið fínn á seinni hluta tímabilsins, en Oblak er betri markvörður.
Wilfried Zaha frá Crystal Palace. Salah, Mane og Firmino hafa verið magnaðir en þeir þurfa líka hvíld. Zaha getur veitt þeim hana.
Nabil Fekir frá Lyon. Góður skapandi leikmaður með leiðtogahæfileika. Blaðamaður Mirror, Mark Jones, valdi Fekir.
Athugasemdir
