Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fim 23. nóvember 2017 10:39
Magnús Már Einarsson
Brotist inn og ráðist á föður Höskuldar
Höskuldur Gunnlaugsson.
Höskuldur Gunnlaugsson.
Mynd: Fótbolti.net - J.L.
Höskuldur Gunnlaugsson, leikmaður Halmstad í Svíþjóð, greinir frá því á Facebook í dag að brotist hafi verið inn á heimili foreldra hans í vikunni.

Gunnlaugur, 67 ára faðir Höskuldar, reyndi að stöðva innbrotsþjófinn eins og sjá má í færslu Höskuldar á Facebook.

Höskuldur fór frá Breiðabliki til Halmstad í sumar en hér að neðan má sjá færslu hans.

Færsla Höskuldar á Facebook
Í fyrrinótt ráfuðu þrír aumingjar inná heimili foreldra minna á Íslandi í mislukkuðum ránsleiðangri. Pabbi varð var við ferli þessara manna og kom að þeim í miðjum verkum. Eins og alltaf þá vill pabbi tækla mál á yfirvegaðan og skynsamlegan hátt.
Hann kemur að einum þeirra og ætlar að ræða við hann, en maðurinn kýlir þá pabba í andlitið og reynir að hlaupa í burtu.
Gamli var nú ekki á því máli að láta hann sleppa og nær taki á honum við útidyrahurðina og veltist með honum niður tröppurnar og endar með vesælinginn í hálstaki fyrir utan blómabeðið.
Þegar ég heyrði í gamla í gær var hann sem fyrr yfirvegaður, skýr og bölvaði einungis "þessum helvítis grjóthnullungi sem hann náði taki á, ég var með hann í fínasta hálstaki og hann var farinn að linast allur upp".
Þegar ég fékk fréttir af þessu í gær kom upp þvílík reiði sem ég hef aldrei kynnst áður. Mín fyrstu viðbrögð voru að hefna og ég var við það að hafa samband við alla mín "óprúðustu" vini og kunningja til þess að svara með sama hætti og þessir menn höfðu gert.
Pabbi sjálfur var hinsvegar að koma til baka af heilsugæslunni og talaði skynseminni í mig.
Hann sagði mér að lögreglan þekkti vel til mannanna, lagakerfið tæki við keflinu og að þeir yrðu nú kærðir fyrir stórfellda líkamsárás.
Mikið sem ég óska þess að ég hefði getað verið á staðnum, en pabbi gamli, sem nýverið varð 67 ára gamall, var allur hinn hressasti í gær.
"Þrátt fyrir að vera nokkuð illa farin líkamlega þá lyfti það upp sálinni að finna það að maður getur ennþá tekist á og það við menn á besta aldri"
Athugasemdir
banner
banner
banner
banner
banner